CAGAYAN DE ORO CITY – Nakatabang pagdako ang mando ni Pres Rodrigo Duterte aron paspas mapatuman ang pagpasira sa mga buhatan sa a Kabus Padatoon o Kapa Ministry International Incorporated.
Kini human naglugwa usab ang mando sa korte nga lusubon aron ang Kapa offices nga nalambigit sa ilegal nga kalihukan dinhi sa Mindanao ug Visayas.
Miingon si Security and Exchange Commission o SEC regional director Atty Reynato Egypto nga tungod sa mando ni Duterte mas napalig-on ang gilugwa nga search warrant order gikan sa korte sa Quezon City RTC.
Una nang gimando sa SEC ang pagpahunong una sa mga kalihukan sa Kapa aron mokuha’g lisensiya apan wala nila panumbalinga ug nagpadayon sa ilang kalihukan mga ilegal.
Samtang dili makalikay ang mga protektor ug recruiters sa Kapa sa mga kaso nga ipakasa sa SEC sa korte.
Kini human unang gibiay-biay sa pipila ka paid media practitioners ang SEC sa ilang gipagawas nga cease and desist order o CDO batok KAPA investing taking ning tuiga.
Miingon si Egypto nga dili makalikay kining mga tawhana kay nahuptan na nila ang mga ebendensiya nga basehan aron ilugwa ang mando sa korte pag-abot sa panahon.
Samtang itugyan sa NBI-10 ang mga ebedensiya nga nakuha nila sa duha ka opisina sa Kapa padulong sa kauluhan.
Kini human lusuba sa SEC-10 kuyog ang NBI ug PNP ang Kapa offices sa Opol,Misamis Oriental ug Valencia City,Bukidnon.
Miingon si NBI regional director Atty Patricio Bernales nga kabahin sa ilang nakuha sa Kapa Opol branch ang 300-mil pesos cash ug daghang membership forms gikan sa mga miembro.
Una niini,pakyas nila masikop si Analiza Dangcalan nga nagsilbing area manager sa KAPA dihang gilusob ang mnaong lugar kagahapon sa hapon.
Samtang andam nadawaton ni Albert Buhanghang ang ipahamtang nga silot ngadto kaniya human siya masapon sa buhatan sa Kapa sa Misamis Oriental.
Kini human mihimo’g hiniusa nga pag-raid ang National Bureau of Investigation o NBI-10 ug Securities and Exchange Commission o SEC sa Kapa Office nga gimando sa korte nga lusubon.
Miingon si Buhanghang nga maoy pangandoy sa mga miapil pag-invest sa KAPA sama kaniya nga mahaw-as unta sa kalisod.
Una nang namahayag ang SEC-10 mga may tulubagon gihapon ang mga miembro ug nagpromotar sa illegal activities sama sa Kapa.
