Imbestigaran sa Philippine National Police ang mga pag-angkon ni kanhi Pres Rodrigo Duterte nga tinud-anay nga adunay naglihok nga Davao Death Squad sa Davao City dihang nagsilbi pa kining alkalde kaniadto.
Kini human isulti ni Duterte nga walay labot ang mga pulis apan mga sibilyan lang ng naglankob sa DDS nga giakusahan nga utok sa naghitak nga pagpamatay sa suspected criminals sa Davao.
Miingon si PNP spokesperson Brig Gen Jean Fajardo nga mohimo sila sa pagtoon sa mga gilugwang pahayag ni Duterte sa maong isyu.
Apan ipasabot sa kanhi PNP chief ug karon Sen Ronald de la Rosa nga dili angay seryusuhon ang mga gisulti ni Duterte.
Kini tungod kay bugtong gusto lang niini ang mga kritiko sa kanhi president nga apektado sa war on drugs ug ang posibleng gigamit sa suspected druglords isip pagpanimalos.
