CAGAYAN DE ORO CITY- Nakasuhan na sa kasupakan sa pagbaligy’ag ilegal nga droga ang drug pusher nga anaa sa listahan ni Pres Rodrigo Duterte.
Kini human unang nakuhaan sa balor 14-mil pesos nga gitoohang shabu dihang gipaubos sa buy bust operation sa kapolisan ang suspek nga si Ceasar Ian Napoles nga taga- Erlinda Ville, Brgy Del Carmen,Iligan City.
Miingon si Police Regional Office-10 spokesperson Lt Col Mardi Hortillosa nga nagsilbing level 1 sa listahan ni Duterte si Napoles nga naglihok sa Iligan City.
Gidayeg usab ni PRO-10 regional director Brig Gen Rafael Santiago Jr ang hiniusang operasyon sa kapolisan aron madakpan si Napoles.
