CAGAYAN DE ORO CITY – Suportado sa 56 ka kongresista nga ubos sa Mindanao Bloc ang pagdumala ni Pres Bongbong Marcos sa nasud.
Kini bisan kon gitawag ni kanhi Pres Rodrigo Duterte nga huyang ug padayong mipihig alang sa kalambuan sa taga-Mindanao.
Namahayag si House Mindanao affairs committee chairman ug Misamis Oriental 2nd District Cong. Bambi Emano nga gilugwa nila ang manifesto of support kay angayang paluyuhan ug dili babagan ang administrasyon aron makabaton sa dugang kaarangan mga gikan sa Mindanao.
Gihimong pananglitan sa kongresista ang pagprioridad ni Marcos sa pag-upgrade facility sa Laguindingan Airport nga pila na ka presidente nga nangagi apan kutob lang sa mga paglitok sa saad kaniadto.
Hisayrang una nang namahayag si Marcos nga dakong supak kini sa paglain sa Mindanao kay napalapas niini ang batakang balaod sa nasud.
