CAGAYAN DE ORO CITY – Dili na angayang pun-an pa sa political supporters ni kanhi Pres Rodrigo Duterte ang pagkabahin-bahin sa katawhan apan maghulat na lang sa 2028 presidential elections aron ipadagan si Vice Pres Sara Duterte.
Pag-esplikar kini ni CWGG 10 convenor Atty. Antonio Soriano sa survey sa PUBLiCUS Asia Incorporated nga nagbaton lang sa 14 porsiento nga public trust rating si Pres Bongbong Marcos epekto sa grabeng kasuko sa katawhan sa nahitabo lang Duterte.
Miingon si Soriano nga dili angayang magpadala sa pagbati ang katawhan aron kalikayan nga mahitabo ang ‘civil war’ nga makahatag sa dakong problema sa nasud.
Hisayrang tungod sa paspas nga pagtugyan kang Duterte sa International Criminal Court o ICC sa Netherlands, gikasuko kini sa political supporters niini dili lang sa Pilipinas apan bisan sa nagkadaiyang kanasuran.
