CAGAYAN DE ORO CITY-Nagkadayeg si City Mayor Oscar Moreno sa unod sa state of the nation address o SONA ni Pres Rodrigo Duterte.
Kini human mas napadayag ni Pres Duterte ang iyang mga programa ilabina sa paghatag prioridad sa kalambuan sa Mindanao.
Miingon si Moreno nga nagustuhan usab niini ang kalig-on sa baruganan ni Duterte kabahin sa giyera batok gidiling droga ug pagsumpo sa kultura sa kurapsyon sa nasud.
Nagdumili usab paghatag sa grado si Moreno sa performance ni Duterte sa laing usa ka tuig nga pag-alagad sa katawhang Pilipinhon.
Samtang pasado sa gradong 85 porsiento si Duterte sa pagdumala ug pagpatuman niini sa iyang mga programa alang sa katawhan sa nasud.
Kini ang nakita ni Atty Antonio Soriano,convenor sa Citizens Watch for Good Governance o CWGG-10 sa unod sa SONA ni Duterte.
Miingon si Soriano nga naklaro pag-maayo ang road map sa mga programa ni Duterte kon asa niini dad-on nga direksyon ang katawhan sa laing dose ka bulan sa iyang pagpangatungdanan.
Sa pikas bahin,gikalipay sa katawhang Maranao-Muslims ang ka pursigido ni Duterte nga pirmahan ang Bangsamoro Organic Law o OBL alang kanila sa Mindanao.
Kini ang reaksyon ni Autonomous Region in Muslim Mindanao 1st District Assemblyman Zia Alonto Adiong sa SONA ni Duterte.
Miingon si Adiong nga gipasabot nila nga nagkinahanglan sa legal pag-usisa ang OBL hinungdan nga andam sila magpaabot niini.
Mas pabor usab si Adiong sa katibuk-ang unod sa SONA ni Duterte itandi sa laing duha nga nahimo niini sa iyang administrasyon.
