CAGAYAN DE ORO CITY – Gihimakak ni City Councilor Girlie Balaba nga preparasyon na alang sa pagdagan sa pagka-alkalde ang iyang pagsilbing acting city mayor sa syudad sulod sa usa ka semana.
Kini human gitudlo siya ni City Mayor Oscar Moreno ug City Vice Mayor Kikang Uy nga idumala ang syudad sulod sa usa ka semana samtang motambong sila sa katiguman sa Kagay-anons sa Amerika.
Miingon si Balaba nga naglisod pa gani kini’g balanse sa iyang trabaho isip konsehala sa syudad.
Si Balaba ang kandidato ni Pres Rodrigo Duterte nga nagsilbing number 1 elected councilor sa 2nd district sa miaging 2019 elections.
Gihimo ni Balaba ang katin-awan human ipatawag usab niini si City Director Police Col Henry Dampal aron mangayo’g peace and order situation update sa dakbayan kagahapong adlawa.
