CAGAYAN DE ORO CITY – Nakahatag sa bintahan ug dili maayong epekto ang war on drugs policy ni kanhi Pres Rodrigo Duterte sa nasud.
Kini ang reaksyon ni CWGG 10 convenor Atty Antonio Soriano nunot sa pagbali ni kanhi PCSO General Manager Royina Garma aron iduot si Duterte kabahin sa duguong gubat kontra illegal nga droga.
Miingon si Soriano nga maoy tipik sa kakulangon sa maong kampanya ang pakyas pagtaral ni Duterte sa pipila ka mga pulis nga utok sa pagkaylap sa illegal nga droga.
Kini tungod kay kutob lang sa mga ordinaryong tawo ang kaya gukdon sa mga otoridad ubos sa gibulgar nga quota-reward-refund system kaniadto.
