CAGYAN DE ORO CITY-Subli gibatikos ni Pres Rodrigo Duterte ang mga pag-atake sa mga rebeldeng New People’s Army o NPA ilabina sa nahitabo sa Talakag,Bukidnon.
Miingon si Duterte nga dili niya madawat ang gihimong palusot sa maong grupo nga wala matuyo ang pagka-igo sa upat ka bulan nga bata dihang gi-ambush ang police patrol sa maong lugar sa miaging Nobyembre ning tuiga.
Kini ang hinungdan nga nasuko siya pag-ayo sa maong grupo ug gideklarar nga mga terorista.
Una usab niini,nangayo’g pasaylo ang maong grupo ngadto sa pamilya sa namatay’ng bata nga Maranao nga nadamay sa hitabo.
Hisayrang atol pag-atake sa mga NPA sa mahindra police patrol sa Amai Manabilang Police Station,usa ka pulis ang namatay samtang laing upat ang samaron sa maong lugar.
