CAGAYAN DE ORO CITY – Nagsugod na ang tulo ka adlaw nga kalihukan sa Mindanao Business Conference sa Xavier Estates Country Club sa Upper Balulang ning syudad.
Kini ang hinungdan nga nagtaas alerto ang kapolisan ubos sa pag-abag sa militar ug ubang friendly forces batok sa mga nagtinguha pagpanghasi sa kalihukan.
Gibutyag ni C/Insp Mardy Hortillosa,tigpamaba sa Cagayan de Oro City Police Office nga mosamot ang kahugot sa seguridad sa kalihukan ilabina kon modangat na ang mga ambassador sa Rusya,China ug European Union businessmen.
Gani,modangat si Pres Rodrigo Duterte sa maong kalihukan sa umaabot adlaw’ng Sabado.
Una nang gipasigarbo ni Mindanao Business Conference chairman Ruben Vegafria nga kini ang katiguman nila ang pinakalahi itandi sa nangagi nga paghimo sa niini dinhi sa Mindanao.
