CAGAYAN DE ORO CITY-Tambungan ni Pres Rodrigo Duterte ang ika-26 ka tuig nga Mindanao Business Conference nga himoon sa Xavier Estates and Sports Country Club ning syudad.
Kini samtang nagkaduol na ang pagpahigayon sa kalihukan nga mahitabo sa petsa 7 hangtod 9 sa Setyembre ning tuiga sa syudad.
Gipasalig ni Mindanao Business Conference chairman Rueben Vegafria nga walay seryoso nga bahad sa ekonomiya nga giatubang ang dakbayan.
Gilauman nga ipadayag ni Pres Duterte ang iyang hangyo sa mga negosyante kon unsaon nga mapalig-on pa ang ekonomiya sa Mindanao ilabina nga kasamtangang pa kining ubos sa martial law.
Una nang nabalaka ang organizers nga maapektuhan ang kalihukan tungod sa martial law,apan sukwahi ang aktuwal nga reaksyon tungod kay may foriegn companies ang moduyog sa kalihukan.
Ning tuiga, ang tema sa MinBizcon mao ang “Emerging Opportunities-One Mindanao”.
