CAGAYAN DE ORO CITY – Mahimo pa gihapon nga magka-sulti ang mga piniriso ngadto sa ilang mga sakop sa pamilya bisan sila naka-lockdown sulod sa Misamis Oriental Provincial Jail o MOPJ.
Kini human ilusad ni Gov Bambi Emano ang ‘electronic dalaw’ o E-Dalaw ubos sa tabang sa Department of Information and Communications Technology ug kompanyang Smart alang sa mga bilanggo sa probinsya.
Miingon si Emano nga paagi kini aron dili maputol ang komunikasyon sa persons deprived by liberty o DPL sa ilang mga pamilya samtang gihulat mahupay ang bahad sa coronavirus disease diin pabilin pa gihapong zero positive ang lalawigan.
Una niini,may usa ka piniriso nga babaye nga direktang naka-konek sa iyang inahan sa Misamis Oriental dihang gisulayan ang E Dalaw diin gisaksihan sa ni Emano,mga ulo sa departamento ug opisyal sa kompanyang Smart Communications kagahapon sa buntag.
