Mi-abante na si Pinay Tennis Sensation Alex Eala sa ikaduhang round sa 2025 Eastbourne Open human niya gibuntog si Lucia Bronzetti sa Italy pinaagi sa iyang agresibong perfomance.
Nahuman ang ilang sangka sa iskor 6-0, 6-1, kundiin, bisan pa sa kakapoy gikan sa halos tulo ka oras nga dula batok ni Hailey Baptiste sa qualifying round, wala gipakita ni Eala iyang pagluya human niya napukan si Bronzetti sulod lang sa 62 ka minutos.
Si Bronzetti maoy kasamtangang rank no. 62 sa World Tennis Association (WTA), ug nakakuha lamang sa usa ka dula sa tibook round human gidominar ni Eala ang ilang match up. Ang pinay athlete maoy nahawid sa ika-74 nga ranggo sa tibook kalibutan.
Sa ikaduhang set, bisan pa sa gamay nga pagsukol ni Bronzetti, napugos gihapon siya ni Eala nga muhatag sa upat ka sunod-sunod nga dula aron mosulod sa sunod nga hugna sa torneo.
Ang sunod nga kaatbang ni Eala mao ang modaog tali sa dula ni Sonay Kartal sa Great Britain ug ni Jelena Ostapenko sa Latvia, kinsa naila isip Worlds No. 3 sa torneo.
Unang napildi ni Eala si Ostapenko, niadtong Marso sa Miami Open, pinaagi sa iyang upset win. Kung si Kartal ang modaog, posible nga makaatbang ni Eala ang giila nga home crowd favorite.
