Nasakmitni Pinay Tennis Sensation Alex Eala ang iyang pinaka unang kadaugan sa Grand Slam French Open ubos sa women’s doubles category.
Kauban ni Alex si Renata Zarazua gikan sa Mexico, ug malapuson nilang napukan sila Emily Appleton sa Great Britain ug Yvonne Cavalle-Reimers sa Spain sa straight sets, 7-5, 6-4.
Makasaysayanon kini nga record sa Pilipinas, kay siya pa ang labing unang Filipina nga nakadaog pinaagi sa Grand Slam match.
Sunod nga maka-atbang nila Eala ug Zarazua ang tandem nila Olga Danilovic sa Serbia ug Anastasia Potapova sa Russia.
Sila Danilovic ug Potapova, maoy mipalukapa sa seventh-seeded duo sa unang round.
