Napakyas si Pinay tennis star Alex Eala ug si Zeynep Sonmez sa women’s doubles sa Madrid Open human mapildi sa pares nga Taylor Townsend ug Katerina Siniakova sa iskor nga 1-6, 5-7.
Wala nakaporma ang duha batok sa kusog nga kombinasyon sa world number 2 ug number 5 nga diretsong gipakita ang kusog sa pagsugod sa duwa.
Gitapos sa Czech-American duo ang dula sulod lang sa 1-ka oras ug 10 minutos sa round of 16.
Mahinumdoman nga napildi usab si Eala sa women’s singles niadtong Biyernes ug ang iyang sunod nga laban mao ang BNL d’Italia ngadto sa Rome nga usa ka WTA 1000 clay tournament
