CAGAYAN DE ORO CITY – Miabiso ang Archdiocese of Cagayan de Oro nga pangandaman sa tanan mamimbahay ang ipahigayong nga misa karong alas alas-6 sa gabie, sa tanan kasimbahanan, ning syudad.
Sa interbyu sa Bombo Radyo Cagayan de Oro, gibutyag ni Bro. Cleb Calimutan nga posibleng muabot sa tolo ka oras ang eukaristiya nga gitawag ug “Easter Vigil Mass”.
Kabahin sa misa ang pagdagkot sa dakung kandila nga magsimbolo sa bag-ong kinabuhi ug kahayag alang sa tanan tumutoo ni Hesukristo.
Giawhag ni Calimutan ang tanan musalmot sa misa nga magdala sa kandila, ug tubig aron kini mabendesyonan ug ma-ampoan sa simbahan.
Hisayran nga matag Sabado de Gloria ipahigayon ang labing taas nga misa sa Simbahang Katolika kay dinhi subli madungog ang pagbasa sa bibliya nga nagsaysay sa sakripisyo ug paghigugma ni Hesukristo sa pagluwas sa tanan sala sa katawhan sa kalibutan.
