CAGAYAN DE ORO CITY – Magsilbing lig-ong ebidensya batok Tagarda Brothers ang 16 ka pakete sa shabu nga nakuha sulod sa duha ka lawak nga ilang gipuy-an sulod sa Tagarda Compound sa Gumamela Ext. Barangay Carmen ning syudad.
Dumduman nga human gisilbi ang search warrant batok nila Gregor, 35, ug Von Cleinton, 30, nakuha sa ilang posisyon ang balor P170,000 street value nga gitoohang shabu.
Namahayag si Philippine Drug Enforcement Agency Regional Director Wilkins Villanueva nga dili mahimong planted ang ilang mga ebidensya ilabe na nga mikuyog ang media sa pagsaksi sa ilang raid.
Mi-angkon sab si Villanueva nga dugay nang higayon nilang gibantayan ang pagpamaligya sa duruha dinhi sa syudad.
