CAGAYAN DE ORO CITY, Philippines – Lig-on ang gihuptang ebidensya sa Armed Forces of the Philippines (AFP) batok sa nasikop nga suspek, nga unang gitumbok isip spiya sa China nga mianhi sa Pilipinas.
Nasikop si Deng Yuanging niadtong Enero 17 sa Makati City kauban ang duha ka Pilipino ug nakuhaan sa mga ekipo alang sa pagsurvey.
Una nang gidepensa sa Pinay nga kapikas sa suspek nga si Noemi Deng nga ‘surveyor” ang trabaho sa iyang bana gikan sa kompanya sa mga mga self-driving cars.
Gibutyag ni AFP Spokesperson Col. Francel Margareth Padilla ang ilang kaandam sa pag-abag sa imbestigasyon sa mga otoridad aron masayran ang kamatuoran.
Una niini, gipamugos sa National Security Council nga may igong ebidensya ang mga imbestigador sa Pilipinas aron iduot ang ispiyang insek ug ang kakunsabo niining mga pinoy sa paglapas sa lagda sa Espionage Act ug cybercrime law.
