Mas hugot nga monitoring ang gilusad sa World Health Organization (WHO) ug Africa Centres for Disease Control and Prevention (Africa CDC) human mitala ang 246-ka suspected cases ug 65-ka mga patay gumikan sa Ebola Virus ngadto sa Ituri Province sa Democratic Republic of Congo.
Mismo si WHO Director-General Tedros Adhanom Ghebreyesus ang misaad sa ilang dinalian nga suporta diin nagpagawas na sila sa $500,000 gikan sa emergency fund aron ipadala sa mga apektadong dapit.
Tutokan niini ang dinalian nga pag-quarantine sa mga pasyente, contact tracing, ug pagpadala sa mga medical supplies aron dili na mosaka pa ang ihap sa pasyente.
