CAGAYAN DE ORO CITY – Palig-unon pinaagi sa mapasar nga mga balaodnon ni kanhi Ilocos Sur Gov. Luis ‘Chavit’ Singson ang sector sa turismo sa nasud.
Kini ang iyang tubag sa pangutana sa Bombo Radyo kon unsaon niya nga mapalig-on ang ‘economic-tourism’ sa subli pagbisita niini dinhi sa syudad kaganihang buntag.
Miingon si Singson nga sa usa sa mga nagpapili pagka-senador sa 2025 elections nga kabahin sa Cagayan de Oro City nga magbaton sa lig-on nga turismo kon buligan kini sa kahigayunan.
Kini tungod kay mismo si Singson ang bilib sa sector sa turismo nga dunay dako’g epekto sa ekonomiya sa usa ka nasud.Gani, siya miingon nga sa ubang kanasuran, sector sa turismo ang nag-unang kakuhaan sa ilang mga panginabuhian.
Ilado ang Cagayan de Oro City nga adunay pinakapatsada nga water rafting rason nga gitinguha usab nila ni Cagayan de Oro 1st District Cong. Lordan Suan ug Misamis Oriental 2nd District Cong.Bambi Emano nga magsilbing adventure center sa Pilipinas.
Hisayrang sulti ni Singson nga daghan siya’g mga dagkong negosyo nga gibubo niya sa South Korea kay mas sayon didto mamuhunan itandi sa mismong dinhi sa nasud.
