CAGAYAN DE ORO CITY – Wala pa matapos ang pagpanghatag sa ECQ special ayuda sa Gingoog City ug Cagayan de Oro City. Kini bisan kon natapos na ang 15-day deadline sa pagpaabot niini sa katawhan sa duha ka syudad.
Gibutyag ni DSWD-10 spokesperson Joseph Manuel Aguja nga anaa pa lamang sa 70 posyento ang nahatag sa Cagayan de Oro samtang 97 porsyento usab sa syudad sa Gingoog.
Samtang mahimo pa gihapon makapadayon ang pagpanghatag sa ECQ special ayuda sa syudad.
Kini bisan nga sugod Agosto 6 hangtud Agosto 20 lamang ning tuiga ang kamanduan sa pagpanghatag niini sa duha ka syudad.
Gibutyag ni Aguja nga gipaburan ang hangyo ni City Mayor Oscar Moreno sa kinse ka adlaw nga extension sa pagpang apod-apod sa ayuda.
