CAGAYAN DE ORO CITY – Gideklara sa syudad sa Valencia ang enhanced community quarantine dihang usa sa ilang mga residente ang nagpositibo sa Covid-19.
Gibutyag ni Valencia City Vice Mayor Paul Murillo nga sukad nila nadawat ang resulta nga nagpositibo sa bayrus ang kapitan sa Brgy Lumbayao, gilayon sila nga mihimo’g emergency meeting sa himoon nga precautionary measures ug contact tracing sa pamilya sa pasyente.
Gimanduan usab niini ang kapolisan nga pahugtan ang pagpatuman sa mga polisiya sama sa pagsul-ob sa face mask ug mag-obserbar sa physical distancing.
Ang nagpositibo nga pasyente ang kabahin sa namulang sa New Davao Matina Gallera cockpit niadtong Marso 12.
Dugtong usab niini,dili na pasudlon pabalik sa Bukidnon ang mga residente nga mogawas sa probinsya sugod adlaw’ng Lunes.
Kini tungod sa mas gipahugtan pa nga pagpatuman sa general community quarantine sa maong lalawigan.
Gibutyag ni Bukidnon Gov. Jose Maria Zubiri Jr nga pahugtan usab nila ang home quarantine diin gitahasan ang brgfy kapitan sa pagmonitor sa ilang mga residente aron siguradong matuman ang mga gabayan sa maong kamanduan.
