CAGAYAN DE ORO CITY – Gipanguluhan ni Most Reverend Jose Cabantan,D.D ang arsobispo sa Arkidiyosisis sa Cagayan de Oro City ang ecumenical ug requiem mass aron hatagan sa taas nga pagyukbo ang kinabuhi ni Santo Papa Francisco sulod sa Saint Augustine Metropolitan Cathedral ning syudad.
Kuyog ni Cabantan sa maong gimbuhaton sila retired Cagayan de Oro Archbishop Antonio Ledesma,SJ ingon man ni Iglesia Filipina Independiente Cagayan de Oro Diocese Bishop Most Reverend Felixberto Calang ug representasyon sa United Church of Christ of the Philippines ug uban pang Christian denominations nga nakabase sa dakbayan.
Gibutyag sa maong lideres nga tinud-anay nga magbalantay sa tanang panahon ang Heswitang Santo Padre.
Pagsaysay pa usab ni IFI Bishop Calang nga gisilbhan gyud ni Pope Francis ang katawhan sa kalibutan nga walay kondisyon hinungdan nga grabe ang pagmahal nga gipaabot kaniya sa tawo ilabina kadtong naggikan sa mga ordinaryong katilingban.
Hisayrang managsama nga paring Heswita sila Pope Francis ug Ledesma diin natunong nga siya usab ang nagtudlo kang Cabantan isip ikalima nga arsobispo sa Cagayan de Oro sugod tuig 2020.
