CAGAYAN DE ORO CITY – Gisupak sa mga tawo nga naglusad sa Panagtigom Peace Assembly ang purisigido nang tinguha sa natl govt nga ipa-aktibo ang presensya sa Enhanced Defense Cooperation Agreement o EDCA site sa kanhi Lumbia Airport ning syudad.
Nasampit kini ni kanhi Executive Secretary Atty Vic Rodriguez kay natayming nga gipadayag sa daghang katawhan gikan sa nagkadaiyang bahin sa Northern Mindanao ang ilang suporta kang Vice Pres Sara Duterte sa Gaston Park sa dakhayan kagahapong adlawa.
Samtang nakauna usab sa pagsusi si Defense Secretary Gilberto Teodoro Jr ug AFP officials sa kanhi airport sa mga gamit alang sa 15th Strike Wing sa Philippine Air Force sa miagin’g Sabado sa buntag.
Miingon si Rodriguez nga dili basi-militar ang gikinahanglan apan ang tinud-anay nga pakiggubat sa kagutom ug kawad-on nga nagkagrabe sa kasamtangang administrasyon.
