NAGPASIUGDA si Bagong Alyansang Makabayan (BAYAN) NCR Spokesperson Alwen Santos nga posible pang masundan ang EDSA Dos sa kasaysayan sa nasud, kung magpadayon ang iyang gihulagway nga bulok nga sistema sa gobyerno.
Namahayag si Santos sa Bombo Radyo nga pwede pang moabot ang daghang EDSA-type nga pagbangon sa katawhan, kon walay tinuod nga kabag-ohan sa sistema sa nasud.Butyag niya, samtang magpabilin sa gahum ang mga abusadong opisyal ug mga political dynasty, magpadayon usab ang siklo sa problema sa Pilipinas.
Para ni Santos, kung dili matagaan og hustong solusyon ang mga problema karon, ang mga mosunod nga molingkod sa gobyerno magpabiling kalabanon sa katawhan, tungod kay wala gyud matagad ang ugat sa problema nga mao ang bulok nga sistema sa pagdumala. (JAMES OLIVER)
