Giila ni Samson So Tan, usa ka criminal justice instructor, nga ang edukasyon maoy usa sa labing kusgan nga economic driver sa nasud nga makapadasig sa kalamboan sa ekonomiya ug makahatag ug daghang oportunidad sa katawhan.
Gipunting ni Tan nga kung hatagan lang gayud ug importansya sa gobyerno ang mga larang sa agricultura, teknolohiya, siyensya, ug medisina, dako kini og matabang sa nasud tungod kay mao kini ang mga industriyang pinaka-gikinahanglan ug in-demand karon.
Dugang pa niya, kinahanglan nga mahibal-an sa gobyerno ang hustong pagbalanse sa mga propesyon, kay dili tanan mahimong magtutudlo o mag-uuma lamang.
Para kaniya, ang maayong pagplano sa edukasyon mao ang yawi aron matukod ang usa ka lig-on nga pwersa sa trabaho ug matubag ang panginahanglanon sa mga industriya. (James Oliver)
