CAGAYAN DE ORO CITY, Philippines – Milusad sa eGov PH app ug eLocal Government Unit (eLGU) system ang lokal nga kagamhanan sa Camiguin aron mapalambo ang paghatag og serbisyo publiko ug pamalaod.
Gibutyag ni Si Gov. Xavier Jesus Romualdo nga daku ang natabang sa Department of Information and Communications Technology (DICT) aron mapatuman ang ilang gi-ambisyon nga digitalization sa ilang pagtunol sa serbisyo sa katawhan.
Lakip sa gipasigarbo sa probinsya ang paggamit sa electronic business one-stop shop (eBOSS) system aron mapadali ug mapalig-on ang business registration.
Dugtong niini, misaad si Camiguin Rep. Jurdin Jesus Romualdo nga suportahan ang gipangayong budget sa DICT aron mapatuman ang ilang long-term policies ug masiguro ang pagpadayon sa ilang mga programa sa digital initiatives.
Sa pikas bahin si DICT-10 Regional Director Alawi ug si Philippine Statistics Authority-10 Regional Director Janith Aves namahayag nga ipadayon sa ilang ahensya ang dedikasyon sa pagpalambo sa digitalization sa pagtunol sa paspas nga serbisyo sa katawhan ug pagpalig-on sa statistical systems alang sa mga komunidad
