Miapelar si Senate Finance Committee Chairperson JV Ejercito sa House of Representatives nga dili na bawi-on ang ilang gi-aprobahan nga bersyon sa P7.2-trilyong National Budget alang sa 2027.
Gihimo ni Ejercito ang pahayag human mihulga ang Makabayan bloc nga bawi-on sa Kamara ang budget bill human sa desisyon sa Korte Suprema nga nagdeklarar nga unconstitutional ang pipila ka probisyon sa mga national budget alang sa 2024, 2025 ug 2026.
Matod ni Ejercito, adunay posibilidad nga dili ma-aprobahan ang 2027 national budget sa gitakdang panahon kung sugdan pag-usab sa Kamara ang proseso sa pag-aprubar niini.
Hinuon, naglaom siya nga masulbad sa bicameral conference committee ang mga kalainan tali sa mga bersyon sa Senado ug Kamara aron mapadali ang pagpasar sa badyet.
Gisiguro usab ni Ejercito nga mahimong bukas sa publiko ang mga deliberasyon sa Bicam pinaagi sa livestream aron masiguro ang transparency sa budget process
