CAGAYAN DE ORO CITY – Gikasubo sa mga senador ang nagsamot nga bangi tali sa Pamilya Marcos, Duterte ug sa ilang mga kaalyado sa politika.
Wala nahimoot si Senate President Francis Escudero sa mga pagbiay-biay nga nadawat sa pamilya Marcos ug Pamilya Duterte, ilabe nga gikonsiderar niya kining duruha nga iyang mga higala ug nagsilbi pa niyag mga running mates sa naglabay nga piliay.
Sa pikas bahin, nabalaka si Senador JV Ejercito sa posibleng samputan sa relasyon ni Pres Marcos ug Vice President Sara Duterte, ilabe nga maka-apektar sa ilang trabaho ang nag-aslom nga working relations.
Dumduman nga nagviral dayon ang mga pronoucement ni VP Sara nga mga “obsessed” sa pagdaut sa ilang political image sa ilang pamilya ang mga nag-usag puwersa nga mga kanhi kaalyado sa iyang amahan, nga si kanhi Presidente Rodrigo Duterte.
