CAGAYAN DE ORO CITY, Philippines – Naduso na ang sugyot-balaodnon nga himoong heinous crime ang Extra Judicial Killings (EJKs) sa Pilipinas.
Ang House Bill (HB) 10986, o ang proposed Anti-Extrajudicial Killing Act gi-file sa balay-balauranan nila Senior Deputy Speaker Aurelio Gonzales Jr., kuyog nila House quadrupole committee co-chairpersons Robert Ace Barbers, Bienvenido Abante, Dan Fernandez, ug Stephen Joseph Paduano, ug ni QuadCom Vice Chairman Romeo Acop.
Ang sugyot naporma subay sa rekomendasyon sa imbestigasyon sa Quad Committee sa extrajudicial killings sa nasud.
Gusto sa mga magbabalaod nga butanga’g ngipon ang balaod batok sa mga tawong kombiktado sa EJK.
Namugos ang nanag-iya sa sugyot nga dugay nang panahon nga kulang sa “accountability” ang balaod kalabot sa pagpatay sa mga tawo nga walay judicial proceedings, busa nagpadayon ang “culture of impunity.”
Gisugyot sa balaod nga silotan sa life imprisonment o reclusion perpetua nga walay parole ang tanan kombiktado sa EJK.
Kung mahimong balaod, gilayong itukod ang Extrajudicial Killing Claims Board nga maoy mu-atiman sa paghatag damyos-compensation sa nabiyaang pamilya sa biktima sa EJK.
