Gisaway sa ekonomista ug statistical and predictive analytics expert nga si Dr. John Vianne Murcia ang gobyerno nga dapat una pa niini nakita ang posibleng problema nga atubangon sa nasud tungod sa pagbuto sa gubat sa Middle East.
Si Murcia miingon nga dapat nag-risk assessment na ang gobyerno sa wala pa misaka ang presyo sa lana ug naka-inplace na unta ang mga mekanismo nga makatabang sa pagmenos sa epekto niini sa nasud.
Butyag pa niya nga ang pagpangandam sa pag-allocate og mga posibleng measures batok sa epekto sa gubat, sama sa pagtaas sa presyo sa lana, hingpit nga makatabang aron dili magkaguliyang ang katawhan sa dihang mu-take effect na ang tensiyon sa Middle East.
Apan para niya, pakyas sa pagka-proactive ang administrasyon tungod kay mas mahimo kining reactive kaysa pagplano kung unsaon pagsagang sa epekto sa gubat ngadto sa nasud. (By James Oliver)
