Giawhag sa usa ka geopolitical analyst ang gobyerno nga tun‑an ug posible nga ipatuman pag‑usab ang pipila ka epektibong lakang nga gigamit atol sa pandemya aron maminusan ang epekto sa pagsaka sa presyo sa lana.
Sumala ni Prof. Lucanus Azrael Igot, mas angay nga susihon ug i‑replicate ang mga pamaagi nga nakatabang kaniadto sa pagpagaan sa gasto sa katawhan imbes nga diretso dayon sa pagsuspende sa excise tax ug VAT.
Dugang pa niya, ang padayon nga pagsaka sa presyo sa fuel mosangpot usab sa pagsaka sa presyo sa ubang batakang palaliton nga direktang makaapekto sa panginabuhian sa mga Pilipino.
Gipasabot usab ni Igot nga ang maayong pagplano ug pagkat‑on gikan sa kasinatian sa pandemya makatabang sa paghimo og solusyon aron mapagaan ang epekto sa kasamtangang krisis.
Gidasig ni Igot ang gobyerno nga maghimo og estratehiya nga sustenable ug epektibo alang sa katawhan. (by James Oliver)
