Gipasidaan sa ekonomista nga si Dr. John Vianne Murcia nga mas mograbe ang kalisod sa supply sa tubig sa Pilipinas tungod sa minilyon ka galong tubig nga gamiton sa data centers ilalom sa Pax Silica.
Gani, taliwala sa hinay nga economic growth ug kakulang sa manufacturing logistics sa nasud tungod sa korapsyon ug politika, mamahimo gihapon kining dakong hulga sa kinaiyahan.
Gawas pa niana, gipahayag usab niya nga magdala kini og heat island effect nga mopainit sa palibot, hinungdan nga gihangyo niya ang mga kongresista ug Supreme Court nga susihon ang mga probisyon aron dili masupak ang batakang balaod ug katungod sa tawo.
Busa pahimangno niini nga bisan pa og bukas ang nasud sa mga investment, kinahanglang sigurohon gihapon ang pagpreserbar sa kinaiyahan aron dili ang katawhan ang mag-antos sa katapusan.
