Taliwala sa pagkabusy sa mga magbabalaod tungod sa impeachment trial, naghinaot ang ekonomistang si Lucanus Azrael Igot nga dili mapasagdan sa mga opisyal ang kahimtang sa ekonomiya sa nasud.
Sa usa ka interbyu sa Bombo Radyo gipunting ni Igot nga bisan pa man sa maong politikanhong kalihukan, magpabilin gihapon nga nagdagan ang atong ekonomiya apan dili kini hingpit nga makalikay sa posibleng epekto sa mga nag-unang palaliton.
Gidugang pa sa ekonomista nga hugot karong gimonitor sa mga ahensya sa gobyerno ang dagan sa nasudnong ekonomiya aron masuta ang bisan unsang mga pagbag-o.
Samtang wala pa matino ang kinatibuk-ang resulta sa impeachment, gipunting ni Igot nga ang sektor sa fuel ug pagkaon maoy labing angay bantayan sa publiko karong panahona.
