Gipunting ni Caloocan 2nd District Representative Edgar Erice nga nag‑atubang sa peligro ang ekonomiya sa Pilipinas tungod sa kusog nga kasaba sa pulitika ug padayon nga mga isyu sa korapsyon.
Gitumbok niya nga wala nakab‑ot sa nasud ang target nga 5.7% Growth Domestic Product (GDP) growth sa tuig-2025 diin misaka lang kini sa 4.5%, mas ubos sa gilauman.
Sumala ni Erice, posible pa nga mas moubos ang GDP sa unang kuwarter sa tuig-2026 tungod sa padayon nga krisis ug anomalya sa flood control projects.
Dugang ni Erice nga ang mga sektor sa trabaho, construction ug industriya nag‑antos samtang napahunong ang dagkong infrastructure projects tungod sa maong imbestigasyon sa korapsyon.
