CAGAYAN DE ORO CITY, Philippines – Gipasigarbo ni President Ferdinand Marcos Jr., ang paglambo sa ekonomiya sa Pilipinas sa 2nd Quarter sa tuig 2024.
Sa iyang social media speech, namahayag ang presidente nga misaka pa sa 6.3% ang economic growth sa nasud tungod sa pagsaka sa ihap sa mga gibubo nga mga investments ug
construction project ubos sa programang Build Better More.
Gumikan niini, misaad ang presidente nga ipadayon sa iyang administrasyon ang pagbukas sa daghang ‘job-generating initiatives’ aron mas daghang mga pinoy ang makapanarbaho.
Ang pag-uswag sa ekonomiya sa nasud mas taas itande sa 4.3 porsyento sa samang period sa miaging tuig ug sa 5.8 porsyento sa unang quarter ning tuiga.
Namugos ang presidente nga gihimo sa gobyerno ang tanan aron mahatagan ang mga Pilipino sa desente ug pormal nga trabaho aron mapataas ang kalidad sa kinabihu sa mga
pamilya ubos sa middle class.
