Adunay taas nga tsansa nga mu-igo ang El Niño sa Pilipinas pag-abot sa bulan sa Hulyo.
Subay sa abiso sa DOST-PAGASA, sila nagpadayon sa pagbantay sa El Niño Southern Oscillation (ENSO) sa tropical Pacific.
Segun sa government weather bureau nga ang La Niña nagtak-op na niadtong Marso, 9 2026.
Busa, kasamtangang nasinati sa mga nasud nga anaa sa Pasipiko ang ENSO-neutral o normal nga kondisyon sa klima u gilauman nga magpadayon hangtod sa Hunyo-Hulyo-Agosto 2026 nga panahon.
Apan, kung subayon ang mga modelo sa forecast adunay indikasyon nga posibleng mukunsad ang epekto sa El Niño pag-abot sa Hulyo-Agosto-Setyembre nga mga bulan 2026.
Ang El Niño usa ka “warm phase” sa ENSO ug gilauman nga adunay mas init kaysa kasagarang temperatura sa dagat sa Sentral ug Sidlakang Equatorial nga Pasipiko.
Base sa PAGASA ENSO Alert ug Warning System, kung ang kondisyon paborable para sa pag-uswag sa El Niño, ug adunay forecast probability nga 55% o labaw pa sulod sa unom ka bulan, magpagawas sa El Niño Watch.
Ang El Niño nagdugang sa posibilidad sa ubos-normal nga kahimtang sa ulan, nga mahimong magdala og negatibong epekto sama sa “dry spells” ug hulaw sa pipila ka lugar sa nasud.
Ang sobra-normal nga ulan sa panahon sa Southwest Monsoon Season (Habagat) mahimo usab nga masinati sa kasadpang bahin sa nasud.
