CAGAYAN DE ORO CITY – Gitakdang ipaubos sa state of calamity ang syudad sa El Salvador kay naigo sa grabeng pag-atake sa mga ulod o army worms ang gatusang ektarya sa maisan ug sagingan.
Miingon si El Salvador City Mayor Edgar Lignes nga nag-unang tuyo sa deklarasyon nga dunay magamit nga ensaktong pondo pagtabang sa mga apektadong mga mag-uuma kontra army worms.
Siya miingon nga halos 420 ka ektarya nga dunay mga tanom nga mais ang nadamyos sa mga ulod diin nalugi ang sobra 720 ka mag-uuma sa maong syudad.
Sa pagkutlo ning balita,may pasiunang mga tabang nang natunol ngadto sa mga apektadong mga mag-uuma.
