CAGAYAN DE ORO CITY – Napakyas pagtuki ang konseho sa El Salvador City kabahin sa giduso nga proposed 2025 budget sa buhatan ni City Mayor Edgar Lignes sa ilang sesyon kagahapong adlawa.
Kini bisan nga naka-schedule ang pagsusi unta niini sa konseho pinanguluhan ni City Vice Mayor Mark William Tan.
Miingon si Tan nga dismayado kini nga daw naigo sa sabotahe ang sesyon kay wala mitambong sa maong budget deliberation ang department heads aron mapangutana sa gisukip nga budget proposal alang sa sunod tuig.
Nagkaintay pa ang mayoriya ug minoriya kay gusto nga ipabalik sa committee level ang budget discussion.
Tinguha unta madikusyunan sa budget deliberation ang mga gihikyad nga pondo nga kuwestiyonable gikan sa pipila ka departamento sa city hall sa maong syudad.
Hisayrang kanhi magkauban sa politika ang duruha apan sa 2025 elections, sila magka-engkuwentro sa pagka-mayor sa ilang lugar.
