Ipadayon ni Eldrew Yulo ang iyang sobsob nga pagbansay sa Japan human sa iyang kampanya sa 3rd FIG Artistic Gymnastics Junior World Championships. Gibutyag sa iyang coach nga si Reyland Capellan, nga sa Disyembre 29 pa mubalik sa Pilipinas ang mas batan-ong Yulo kay mas desido kining magtraining aron mas kondisyon ang iyang lawas ug abilidad sa pag-abli sa daghang oportunidad sa tuig 2026. Samtang anaa siya sa Japan, magpadayon siya sa pagbansay ubos sa inilang Japanese gymnast coach nga si Munehiro Kugimiya.
