CAGAYAN DE ORO CITY-Mokabat sa 100-mil nga kantidad sa shabu ang nakuha sa Philippine Drug Enforcement Agency (PDEA)-10 sa municipal election officer nga nakabase sa Gitagum, Misamis Oriental atol sa gipahigayon nga drug-buy bust operation.
Giila ang suspek nga si Jose Mari Villar Fernandez, hingkod ang panuigon, minyo ug nagpuyo sa Brgy Iponan ning syudad.
Matud ni PDEA agent Ken Cardona nga ilang nakompiskar ang 10 gramos nga gitoohang shabu ingon man ang usa ka libong salapi isip buy bust money sa maong operasyon.
Gipaubos pa sa dugang imbestigasyon ang suspek diin gitumbok nga tigkuhaan kini’g shabu sa Brgy Patag sa syudad.
