CAGAYAN DE ORO CITY – Paslak na sa prisohan ang electrician kuyog ang iyang duha ka higala human masapon nga nagpot session sa Barangay Hinaplanon, Iligan City.
Giila ni Police Major Allan Abalde ang hepe sa Iligan City Police Office – Station 5, dinakpan nga sila IRENE TABASA, 42, dalaga, walay trabaho ug WENDELL TAYROS 22, ulitawo, walay trabaho, pulos residente sa residente sa Purok 6, Canaway, Brgy. Tibanga; ug si DANILO LUMAYAGA 37, ulitawo, auto electrician ug residente sa Purok 6C, Tambo Brgy. Hinaplanon sa susamang dapit.
Nakompiskar sa mga operatiba sa ilang posisyon ang gikonsomo nga shabu ug mga shabu paraphernalias.
Kasong paglapas sa RA 9165 ang gipasaka batok sa tulo ka drug user.
