Mas maayo pang mag-bidding o magkoronahanay na lang ang mga gamhanang pamilya kaysa mag-usik-usik og bilyon-bilyong pesos sa eleksyon nga kwartahay ra gihapon ang padulngan.
Mao kini ang hait nga saway ni Mindanao State University – Iligan Institute of Technology Assistant Professor Rey Montesclaros, diin gipadayag niya nga ang paghari sa mga political dynasty ang mismong nagtuok sa demokrasya ug nagpalisod sa katawhan.
Gitin-aw ni Montesclaros nga sa mga nasod nga giharian sa pipila ra ka adunahang pamilya, nagpabiling pobre ang mga tawo tungod kay gigamit lang ang pondo sa gobyerno alang sa kaugalingong interes sa pamilya ug dili para sa publiko.
Tungod niini, nagpasidaan ang eksperto nga kinahanglang magmata ug magkahiusa na ang katawhan aron mabag-o ang daotan nga sistema sa pagdumala sa nasod.
