Wala na kasuhi sa reckless imprudence resulting to homicide, physical injury and damage to property ang elf driver nga si Jerry Pacuño, minyo, taga Brgy Liboran, Baungon, Bukidnon.
Kini bisan naligsan-patay ni Pacuño si Dario Danhugan, 16-anyos ug gikaangol ni Robert John Mangadlao, 17-anyos nga parehong taga Upper Tignapoloan ning syudad.
Nagkasabot na ang pamilya sa mga biktima ug ang driver ug tag-iya sa elf.
Una nang naligsan ni Pacuño ang motorsiklo nga gimaneho ni Mangadlao diin miresulta sa kamatayon sa backrider nga si Danhugan sa Sitio Cabula, Brgy Lumbia ning syudad.
Miingon si Police Staff Seargent Francis Marianas, imbestigador sa Lumbia Police Station nga tungod sa kasabutan tali sa kampo sa biktima ug suspetsado, ila na usab nga gibuhian ang Elf driver.
