CAGAYAN DE ORO CITY-Gihagit karon sa mga alyado ni Brgy 33 Kap Conrad Lim si City Mayor Oscar Moreno nga pangunayan ang pagbungkag sa reclamation site diha sa Brgy Lapasan ning syudad.
Kini kon nagtoo si Moreno nga ilegal ang pagkuha ni Lim sa maong luna nga kabahin sa gitukuran sa P4-B nga coastal road project sa DPWH-10.
Gibutyag ni kanhi Kagawad President Elipe nga pulos lamang estorya ang gihimo ni Moreno apan wala buhata.
Namugos si Elipe nga legal ang pagpanag-iya ni Lim sa yuta hinungdan angay lamang i-agi sa ensakto nga proseso kuyog ang DPWH-10.
Samtang ipatuman sa syudad ang haom nga balaod nga nagtinguha sa pagguba sa gitukuran sa kabtangan ni Lim diha sa Brgy Lapasan sa syudad.
Kini ang panganti ni Moreno human nanghagit si kanhi Kag President Elipe kaniya nga mangunay sa pag-demolish sa istraktura sa yuta diin giingong gipanag-iya ni Lim.
Gibutyag usab ni Moreno nga wala siya’y panahon aron tumpangan si Elipe kay naila nama kini sa publiko nga dakong babag sa mga kalihukan sa syudad.
