CAGAYAN DE ORO CITY-Dili babag ang pagka-konbikto ni kanhi City Councilor President Elipe sa Ombudsman sa kasong administratibo aron ma-okupar niya ang pagka-board member sa Sangguniang Panlalawigan sa Misamis Oriental.
Kini human gi-nominar si Elipe sa Padayon Pilipino aron hulipan ang permanent vaccancy position sa namatay nga si SP board member Mario Emano.
Miingon si Elipe kinsa son-in law ni kanhi City Mayor Vicente Dongkoy Emano nga gi-konbikto sa Ombudsman nga hulaton niya ang opisyal nga katudluan gikan kang Presidente Rodrigo Duterte.
Si Elipe ang gikonbikto tungod sa pagtamper sa daily time record sa igsoon niini sa city council samtang atua sa China sa miaging katuigan.
Samtang mahimong kapugngan ang paglingkod isip board member ni Elipe diha sa Sangguniang Panlalawigan sa Misamis Oriental.
Kini kon dunay intresadong tawo o grupo nga mo-kuwestiyon sa nominasyon ni Elipe gamit ang Ombudsman decision diin siya konbiktado sa kasong administratibo.
Miingon si DILG provincial director Edward Bhagwani nga anaa sa kamot ni Pres Rodrigo Duterte ang kumpirmasyon ni Elipe ilabina kon walay mo-kuwestiyon sa kuwalipikasyon niini.
