CAGAYAN DE ORO CITY – Gihagit ni Misamis Oriental Gov Bambi Emano si Sangguniang Panlalawigan Board Member Jerry Khu nga dili diktar sa iyang business interest ang pagtuki sa kontrobersyal ‘midyear bonus’ alang sa mga empleyado sa kapitolyo probinsyal.
Kini maoy direktang mensahe ni Emano kang Khu atubangan sa flag raising diin unang gituki sa SP regular session ang pakyas pa gihapon paghatag sa bonus sa mga empleyado sukad Mayo 15 ning tuiga.
Miingon si Emano nga unta kinasingkasing ang paghimo ni Khu sa iyang trabaho ug dili tungod kay pipila sa mga empelyado nga naka-prenda na sa ilang mga sweldo kay gisaligan ang paglugwa sa bonus.
Nasabtan daw ni Emano ang trabaho ni Khu nga ang puti ipaitum ug itom ipaputi isip anaa sakop sa kampo sa oposisyon.
Samtang kusganong gihimakak ni Khu ang pasangil ni Emano batok kaniya.
Miingon si Khu nga wala niya sukad gamita ang iyang posisyon aron mag-negosyo sa mga empleyado sa kapitolyo.
Namugos si Khu nga mismo amigo sila ni Emano ug nasayod kini kon unsa ang iyang yano nga panginabuhian sa lalawigan.
