CAGAYAN DE ORO CITY-Giprangkahan ni Gov Bambi Emano ang gatusang lumad nga nagpondo sa capitol park nga dili tanang pangayu-on niini mahatag sa kagamhanang probinsyal.
Kini human gi-demanda sa maong grupo nga sila atubangon ni Emano aron ipapahawa ang mga sundalo nga nagkampo sa Sitio Minkamansi,Brgy Banglay,Lagonglong,Misamis Oriental.
Miingon si Emano nga sukwahi sa pagkadismaya sa mga lumad,wala sukad nagpasagad ang gobierno pag-atiman kanila samtang anaa sa kapitolyo probinsyal.
Una niini,gibutyag ni Sarisa Acosta nga wala sila mag-apas sa relief goods apan makauli na sa ilang mga pinuy-anan sa maong lungsod.
Samtang positibo si Regional Peace and Order Council o RPOC chairman City Mayor Oscar Moreno nga maabli’g balik ang peacetalks tali sa gobierno ug CPP-NPA-NDF.
Kini bisan nga gimando ni Pres Rodrigo Duterte ang temporaryong pagsira niini sa maong grupo.
Miingon si Moreno nga suportado usab niini ang laraw nga localize peacetalks samtang gihan-ay pagbalik ang negosasyon tali sa gobierno ug komunistang grupo.
Si Moreno samtang gobernador pa sa lalawigan,ang nakasaka sa Lantad,Balingasad aron dal-an sa serbisyong publiko ang katawhan niini nga giharian pag-ayo kaniadto sa mga NPA.
