CAGAYAN DE ORO CITY – Giaghat karon ni Provincial Governor Bambi Emano ang katawhan nga dili usikan ang higayon kon dunay bakuna nga mahatag sa gobierno kanila aron batukan ang coronavirus disease nga kuyanap pag-ayo sa lalawigan.
Gihimo sa gobernador ang pagdani dungan sa iyang pagpa-bakuna na gamit ang Sinovac vaccine nga gitugot sa Department of Health nga siya kabahin sa maapil nga tupukan aron kapanalipdan batok COVID-19.
Gibutyag ni Emano nga angayang huna-hunaon sa katawhan nga nag-ilogay na ang mga kanasuran sa pagbaton sa mga bakuna rason nga dili angay balibaran ang higayon kon sila matungnan nga hatagan sa proteksyon batok sa bayrus.
Gisaysay sa opisyal nga ang iya usab pagpa-bakuna nga gipakita sa publiko ang pagtul-id sa mga bakak nga impormsyon nga gilabay gikan sa mga kontra niini sa politika nga dugay ra siya sekreto nga nagbaton sa vaccine dose niini.
Hisayrang sa kaugalingong survey sa kapitolyo sa lalawigan,anaa lamang sa sobra 70 porsiento sa mga residente ang dunay kursanada magpa-bakuna kay mibati’g tagam sa epekto sa dengvaxia vaccine trial nga pangontra sa dengue fever apan nag-resulta na hinoon sa pagkakalas sa kinabuhi sa kabataan.
