CAGAYAN DE ORO CITY-Gipahimangnuan ni Gov Bambi Emano ang tanang miembro sa PNP ug militar nga dili makahimo’g bisan unsa nga pag-abuso sa tawhanong katungod sa mga sibilyan sa Misamis Oriental.
Kini agi’g pagsuporta ug pagtabang sa gustuhan ni Pres Rodrigo Duterte nga masumpo sa hingpit ang tanang armadong pundok ilabina ang mga terorista nga nagsabwag kagubot dinhi sa rehiyon.
Gihimo ni Emano ang pahayag nunot sa kusganong pagsuporta sa probinsya sa extension sa martia law sa Mindanao.
Una niini,daan nang nagpaluyo si Regional Peace and Order Council o RPOC chairman ug City Mayor Oscar Moreno sa paglugway sa martial law ilabina dinhi sa dakbayan.
Miingon si Moreno nga taas na ang kausaban sa militar itandi kaniadto hinungdan nga dili angay ikabalaka ang lugway sa martial law ilabina nga taas na ang kaalam sa publiko sa mga tawhanong katungod niini.
